الوزارة تؤكد نجاح دخول طلاب الثانوية على السيستم والطلاب: والنعمة ما انا دي أختي منى

رد طلاب ومعلمين وأولياء أمور على بيان وزارة التربية والتعليم اليوم والذي أكدت من خلاله نجاح تجربة الاختبار التقني التجريبي الأول لطلبة الثانوية العامة في يومه الأول .. أكد الطلاب أن معظمهم لم يستطيع دخول الإمتحان وأن مدارس بأكملها لم يعمل بها السيستم مطالبين بإقالة الوزير وإشراف مباشر من مجلس الوزراء والقوات المسلحة على تجربة إمتحانات طلاب الثانوية العامة وتعطل السيستم لبيان كذب الوزارة ..

وجاءت تعليقات الطلاب والمعلمين وأولياء الأمور على بيان وزارة التربية والتعليم والذي نشرته صفحة مجلس الوزراء منذ قليل صادمة … في حين أكدت وزارة التربية والتعليم على أن 574 ألف طالب/طالبة استطاعوا الدخول على منظومة التحديثات الخاصة بأجهزة التابلت والسيستم والسحابة جاءت ردود الطلاب والمعلمين وأولياء الأمور حرفيا :

انا واحدة من طلاب ٣ ثانوي ومش امتحنت النهارده وتقريبا المدرسه كلها مش امتحنت مفيش غير ٢ او ٥ طلاب بس اللي امتحنوا .. يبقي منظومه ناجحه ازاي

ياريت رئاسة الوزراء تتابع بنفسها عن طريق القوات المسلحة لأن اغلب الطلاب ما فتحش عندهم وطلاب ما راحوش اساسا نطالب بامتحان اولادنا ورقيا دي ثانوية عامة يعني مستقبل الاولاد ..

إزاي وبأي منطق إعدادي وإبتدائي وأولي ثانوي وثانية ثانوي ينزلوا يمتحنوا ورقيا وفي لجان مراقبة من يوم ٢٦ أبريل في وسط ذروة انتشار كورونا طيب لازمة التابلت اللي اتصرف علية مليارات الجنيهات إيه ؟ الحل الصحيح الإمتحانات تكون أون لاين من المنازل زي السعودية…

المنظومة بتكدب فى رمضان ..

مدرسة ابنى لم يدخل اى طالب فيها للمنصه سوى طالبين فقط والباقى فشل فى الدخول ..

مش حقيقي الكلام ده مدرسة ابنى بالكامل مفتحش فيها الامتحان غير ٥او ٦ طلاب من ضمن الف طالب تقريبا ..

مدرسه السادات الثانويه بالزقازيق بالكامل يافندم مدخلتش علي السستم والمدرسه معملتش أي حاجه ..

وهذه جانب من ردود الطلاب والمعلمين وأولياء الأمور: