سلامة فراويله تعليم الجيزة
ادعوا لعم الحاج سلامة بطولة العمر .. الله يخليه…. الله يخليه ويبارك فيه .. الحاج سلامة فراويله اللي خيره على المديرية كلها وعلى إدارة العمرانية التعليمية .. الكبير قبل الصغير .. الحاج سلامة يا غجر اللي اتبرع بـ 3 آلاف 393 جنيه رسوم توصيل كهربا لمدرسة الشهيد أحمد حسين رضوان في 6 أكتوبر وسعادة وكيل الوزارة نزل له شكر خاص على صفحة المديرية ..
الحاج سلامة فراويلة اللي مفيش مناسبة في تعليم الجيزة تفوته .. ضيف ونجم في كل الإحتفالات .. تكريم طلاب تلاقيه .. تكريم معلمات «معلمين لأ» تلاقيه .. تكريم معاشات تلاقيه .. مناقشة خطة المديرية تلاقيه .. توزيع الجداول على المدرسن تلاقيه .. لجنة التعليم الخاص تلاقيه .. مجلس أمناء تعليم الجيزة تلاقيه .. تحقيقات مع العاملين تلاقيه .. اجتماعات سرية الإمتحانات تلاقيه .. أفراح تلاقيه .. حفلات طهور تلاقيه .. فقع أسافين تلاقيه .. ترفع غطا أي بلاعة تلاقيه .. ويا ويله اللي يغضب عليه سلامة فراويلة ..
الحاج سلامة فراويلة مدورها من أيام خالد حجازي في تعليم الجيزة ويترأس لجنة راشا للتعليم الخاص في المديرية ويدير إدارة العمرانية التعليمية من تحويلات وقبول وتعيينات وتأجير كانتين وزي مدارس ورفع العقوبات عن الحرامية الغلابة اللي عايشين في خيره .. الحاج سلامة فراويلة السند لكل فاسد ومرتشي في تعليم الجيزة ..
الحاج سلامة فراويلة له كتالوج خاص في السيطرة على قيادات تعليم الجيزة ومقدرات الأمور في تعليم الجيزة .. هادي الطباع .. المادة الخام لمكر الفلاحين ولؤم الحطابين في الجبال والمزارعين في بشتيل .. طقم اكسسوار جميل للحاجة سمية .. عشرتلاف جنيه نقوط لبنتها الخطوبة أثناء التجهيز .. فستان شيك من بلاد الحرمين ل راشا تعليم خاص .. طاقم وجبات للقيادات والعمال السهرانين على سرقة المديرية وإدارة العمرانية التعليمية .. مشاركات مجتمعية تصل لغاية 3 آلاف جنيه ..
السبحة وزبيبة الصلاة والصلاة على أوقاتها أهم أدوات الحاجة سلامة فراويلة في إحكام سيطرته على تعليم الجيزة .. وديتها إنه يطلع حج وبدل ما يقول اللهم اغفر لي ذنوبي يقول اللهم اغفر لي ذونبي من ذونبة .. الحاج فراويلة عنده مدرسة مقسومة نصين يمر بها كوبري وكانتين و3 معاهد لاسلكي من اللي بيعملوا ورق التأجيل من الخدمة العسكرية .. ربابة ربة البيت تصب الخل في الزيت .. لها عشر دجاجات وديك حسن الصوت ..
شاهد الفيديو:
