
عبد الفتاح السيسي
قال الرئيس عبد الفتاح السيسي إن مصر تحتاج سنويا 60 ألف فصل دراسي لمواجهة أزمة الزيادة في أعداد السكان والكثافة في المدارس وقال: الكلام ده قلته فى 2013 و2014.. وقلت ليس أمامنا إلا العمل والعمل والصبر.. ولازم نفكر بأفكار تحل مسائل زي موضوع التعليم .. وعملنا الجامعات الأهلية بدلا من السفر وتوفير الدولارات والحفاظ على ولادنا بدلا من السفر..
وأضاف الرئيس السيسي خلال زيارته لأكاديمية الشرطة أمس الأحد: فيه دول عندها نمو سكاني سلبي.. معدل الوفيات أكبر من معدلات المواليد والبلد بتقل.. تفتكر ده عاوز طريق أو مستشفى العدد ثابت، وفى مصر الوضع مختلف، نحتاج كل عام إلى 60 ألف فصل خرسانة فقط.. فين التشغيل والتكلفة منين، المدرس يأخد كام والفصل يحتاج إلى لمبة إضاءة بكام، ونفس الكلام لبقية المدرسة ..
وأكمل الرئيس عبد الفتاح السيسي حديثه: نحتاج إلى 15 تريليون جنيه من أجل التعليم المنضبط والمناسب علشان نوصل للتعليم المحترم والمظبوط .. التكلفة10 آلاف دولار للطالب عشان يتعلم كويس .. يعني الـ30 مليون طالب يحتاجون إلى 300 مليار دولار .. فى 50 جنيه بـ15 تريليون جنيه ..