مدام مونبار
هل تعليق كشوف نتيجة صفوف النقل في المدارس التابعة لإدارة الهرم التعليمية يحتاج كل هذه الأذونات .. تنفيذا لتعليمات الستاذ سعيد عطية وكيل طابونة التربية والتعليم بالجيزة وفي إطار توجيهات الدكتورة مدام مونبار مدير عام إدارة الهرم التعليمية وإن مدام مونبار وجهت المدارس ومديري المدارس وجهوا ولاد البطة السودة يعلقوا الكشوفات ..
وإن تعليق كشوف النتيجة يأتي في إطار حرص الوزير وتوجيهات الرئيس على راحة أولياء الأمور والسهر على تحقيق طموحاتهم في الحصول على نتيجة ذويهم في إمتحانات النقل اللي هي أصلا متسربة واللي مغشش تم رفع درجاته في التصحيح إلى 80% طبقا لما أفضى به مدير مدرسة في رسالة صوتية..
ليه توجيهات وليه تعليمات وليه في إطار حرص .. هو مش حضرتك يا مدير الطابونة موظف وبتاخد أجرة على شغلك .. وانتي يا مدام مونبار مش برضو موظفة وبتاخدي أجرة على شغلك .. والوزير مش حضرتك برضو موظف وبتاخد أجرة .. أومال ايه الموحن ده كله وكأن حضراتكوا بتتجملوا على المواطن اللي بيدفع أجرتكوا .. طب وهي لو مش طابونة يا مدام مونبار كنتي بقيتي مدير إدارة تعليمية ..
ما يحدث في إدارة مدام مونبار ومدير طابونة تعليم الجيزة يحدث في كل الإدارات التعليمية والمديريات .. في إطار وتنفيذا للتعليمات وحرصا على تنفيذ التوجيهات .. دخلت فلانة تقضي حاجتها في الحمام وخرجت من الحمام مع 77 صورة سيلفي .. وفي النهاية الدكتورة مونبار وأخواتها ومدير الطابونة وإخوانه ورئيس الرابطة بيفكوا الخط بالعافية .. بس ماشيين ع الموضة .. اقطعوا النت عن التربية والتعليم يرحمكم الله ..
