مليكة
كتبت والدة الطفلة مليكة أحمد صبحى .. التي دهسها باص مدرستها (الروضة الحديثة في مدينة 6 أكتوبر بالجيزة) قبل أيام أثناء عبورها الشارع للحضانة بعد أن تركتها المشرفة تنزل وتعبر الشارع بمفردها وأثناء مرورها أمام الباص تحرك السائق ليقتلها .. الأم المكلومة كتبت ترثي إبنتها قائلة:
أصحي من النوم م الاقيكيش جنبي أقوم مفزوعه و أنده عليكي يمكن أكون بحلم
ببص في وشوش كل الأطفال أحاول أشوف ملامحك
بشم هدومك اللي ريحتك قربت تروح منها
فرشاة شعرك اللي باقي فيها شعرتين ..توك شعرك اللي متعلق فيها شعرة .. عروستك لعبك طريقة ضحكتك .. شقاوتك كل حاجه حلوة فيكي
أشهد الله يا بنتي إني اتقيت ربنا فيكي .. كنت بكلم نادية المشرفة يوميا والحضانة يوميا لما بنت زميلتك ضايقتك معرفتش أنام .. كنت بقولك سنيوريتا كنت حاسة إنك أميرتي مش بنتي .. نادية تقتلك ليه .. سواق باص المدرسة يدوس عليكي ليه .. يكذبوا ويزيفوا الحقائق ليه .. ليه أرواحنا ملهاش ثمن .. فرحتي تموت ليه .. مش هنام الا لما حققك يرجع ..
وكان خالد حجازي مدير تعليم الجيزة حاول طرمخة الواقعة على أن الطفلة موتت نفسها بأن خبطت راسها في الرصيف ولولا وجود فيديو يوثق الواقعة ويفضح مدير تعليم الجيزة لكان حق ودم مليكة ضاع ..
الغريب أنه لم يتم إقالة مدير إدارة أكتوبر التعليمية مثلما حدث مع مدير إدارة المرج والذي تمت إقالته بقرار من الوزير ومعه مدير التعليم الخاص ووكيل الإدارة على خلفية إنهيار واجهة مدرسة خاصة ومصرع تلميذ ..
واقعة مليكة تستوجب محاكمة مدير تعليم الجيزة السابق سلب وظيفة مدير عام منه على خلفية تورطه في قضايا فساد حققتها الرقابة الإدارية في عهد الوزير محمود أبو النصر .. بتهمة الكذب والعرض غير الأمين ومعه مدير إدارة أكتوبر السابق طرده من وظيفة مدير عام ومدير التعليم الخاص بأكتوبر ..
