إمتحانات أولى ثانوي: فلاشة وسحابى وشريحة .. ورقي وأونلاين معا

طلاب يؤدون الإمتحان

كشف أحد مديري التعليم الثانوي كواليس الإجتماع قائلا: مابلغنا به أن الإمتحان الإلكترونى هو الأساس والورقى هو الإستثناء .. بمعنى أى مدرسة يكون فيها النت شغال يبدأ الإمتحان بها الكترونيا وفى حالات يتم الإمتحان ورقى وحالات اخرى يتعمل تقرير ويبقى ناجح اتوماتك

طلب مننا إدخال الطلاب من الساعة ٨ صباحا ويجلسوا في أماكن إمتحانهم الكترونيا وفي نفس الوقت تكون فيه لجان موازية « بديلة» للإمتحان ورقى .. يقوم المراقبين وأخصائي التطوير بتعريف أجهزة تابلت الطلاب ونفتح لهم منصة الإمتحان .. وعلى فكرة الوزارة جايبة فلاشة كدة تخلى السيرفر داخلى مش سحابى .. يعنى إمتحان أولى ثانوي هيكون: داخلى أو سحابى أو شريحة أو ورقي …

ونبدأ قبل اللجنة بالترتيب ندخل سحابى منفعش نحول سيرفر داخلى منفعش يبقى شريحة منفعش نخطر غرفة العمليات على الساعة ٨ ونص ويتحول الإمتحان فى المادة دى ورقى .. وهكذا يوميا نفس الشيئ يعنى مثلا النهاردة منفعش والأولاد امتحنوا ورقى بكره نفع فى ماده تانية يبقى الكترونى يعنى بنتعامل اليوم بيومه ..
طيب لو مثلا ٤ طلاب أو ١٠ او ١٥عندهم مشاكل فى التابلت تمنعهم من الإمتحان الإلكترونى .. الساعة ٨ ونص نكون أرسلنا بيهم تقرير لغرفة العمليات لأخذ موافقة على إمتحانهم ورقى قبل بدء الإمتحان ويكون هناك لجان مجهزة للورقى ( يعني الإقرار وليه لازمة ) لان مفيش أى مسئولية على الطالب نهائى إلا شحن الجهاز والشريحة ..

طيب بدأ الإمتحان والطالب حل سؤال أو اتتين وحصلت مشكلة لم تمكنه من استكمال الإمتحان الإلكتروني مثل: قطع كهرباء.. سيستم وقع .. نت فصل … شريحة وقف عملها في هذه الحالة يتعمل تقرير من أخصائى التطوير ومحضر اثبات حاله ولايستكمل الطالب الإمتحان تانى بأى طريقة اخرى بمعنى من دخل الكترونى وبدأ فيه واشتغل وتعطل لأى سبب ليس له إمتحان ورقى ويحسب له درجة النجاح أو اذا كانت الاجابة اللي أجابها درجاتها أكبر يحتسبوا له الاكثر ..

الطالب إمتحن على السيرفر الداخلى للمدرسة وتعطل مثلا أو امتحن على الواى فاى السحابى وتعطل لايستكمل الإمتحان بطريقة الكترونية آخرى ومن يثبت أنه دخل الإمتحان من مصدرين تلغى درجاته ويدخل المادة دور تانى …لكن اذا حدث عطل فى إستخدام طريقة الكترونية بعد بدء الامتحان تحتسب له درجة النجاح بعد عمل محضر اثبات حالة وإرساله للادارة وهي الشئون القانونية ..

الطالب اللي هيكتب أي شتائم في الإمتحان سيتم اتخاذ إجراءات قانونية ضده قد تصل إلى الفصل أو إتخاذ إجراءات قضائية ضده وفقا لما أبلغه لنا الدكتور رضا حجازي رئيس قطاع التعليم العام .. ولايسمح لأي طالب بالخروج من الإمتحان إلابعد انتهاء الوقت …