ياسمين عبد العزيز وأحمد العوضي
إشتعلت الحرب الكلامية بين شقيق الممثلة ياسمين عبد العزيز والممثل أحمد العوضي بعد إعلانه الدخول في علاقة حب مع ياسمين ودخلت على الخط ياسمين وعدد من الفنانين … كتب وائل شقيق ياسمين عبد العزيز قائلا:
عمرها « يقصد شقيقته ياسمين» ما اديتني جنيه وأحب افكرك إني قاعد في بيت إيجار وراكب عربية بالقسط من شقايا وحتي لو حد من أهلي ساعدني في وقت ضيقه أنت مالك!
وتابع : أما الشغل اللي أنا فاشل فيه فلو بتعتبر 17 جايزة أخدتهم في 4 سنين فشل، ياريت تعرف تبقي فاشل .. أما أختي فالمواقف والسنين اللي فاتت هيا اللي هتبين أنا عملت عشانها إيه.. وكلمة إني طالع علي حسها كل الناس عارفة إني شقيت طريقي لوحدي من 15 سنة، وعلي الرغم من ده فأنا عادي أبطل تمثيل من بكره قدام مصالح أختي.
وتابع : ياسمين سألتني بعد الطلاق انها ممكن تحب وتتجوز وانا اول واحد قولتلها طبعًا حبيبتي ومن حقك وهبقي اول حد يفرحلك .. بس مش انت .. لاني اعرفك من سنين وعارف نواياك والأيام هتثبت صحة كلامي.
واختتم قائلا : ونصيحة مني ليك لما تدخل علي ست متختارش وقت ضعفها وخروجها من طلاق ومشاكل لو فعلا بتفهم كنت بقيت صديق ينصح ويحافظ ويخاف لحد ما تبقي قوية تاني.. مش يتصور صور زاي دي يا محترم ..
وردا على بوست شقيق ياسمين عبد العزيز نشر الفنان أحمد العوضي صورة له مع ياسمين على فيسبوك .. وكتب على الصورة: بحبك يا ياسمين .. وبعد دقائق ردت ياسمين عبر «انستجرام» بنفس الصورة: بحبك يا أحمد .. ودخلت على الخط الممثلة منى فاروق وكتبت ردا على شقيق ياسمين: عيب عليك لما تعمل في اختك ياسمين عبدالعزيز كده..أنا اتمنيت أنها تكون اختي في يوم من الأيام … وعلق المنتج محمد محمود عبد العزيز قائلا: ألف خسارة لما أخ يتكلم عن أخته كده.. ياسمين بـ١٠٠٠ راجل …
