ياسمين عبد العزيز
تداول نشطاء بوست للفنان أحمد العوضي، يرد فيه على هجوم الفنان وائل عبد العزيز شقيق ياسمين عبد العزيزعليه بعد إعلان العوضي نيته الإرتباط بياسمين ودخوله معها في قصة حب … قال العوضي: أنهي بيت اللي أدخله من بابه.. إن كانت هي اللي بتصرف عليك وعلى أبنك اللي مخبيه وراميه وهي بتدفعله مصاريف مدرسته .. باب إيه يابني أدخله هو أنا شفت راجل واقف جنبها.. دي واحده انت مبتعملش حاجه غير إنك بتستنزفها هي ومامتها.
وتابع العوضي: باب إيه يابني اللي هدخله من بابه وأكلم واحد بيتكلم على عرضه ولحمه قدام الناس .. يابني أنا من عين شمس منطقه شعبيه اتربيت على أن الاخت والأم والست الكلام عليهم من الكبائر.. عربية إيه يابني أنا أجري الحمد لله يعيشني كويس ويجيبلي عربية حلوه وبیت كويس.. بمجهودي وشغلي مش علي عرق واحدة ست.. باب إيه يا حبيبي اللي ادخله وانت اصلا عايش باسمها .. أنا شقيت على حالي بعرقي .. لكن أنت فشلت في كل شئ فشلت كممثل وفشلت كأب وفشلت كأخ وفشلت كبني أدم.
