نهى العمروسي وإبنتها
علقت الفنانة نهى العمروسي على واقعة القبض على إبنتها وحبسها في فضيحة فندق فيرمونت الجنسية التي تطال أبناء رجال أعمال ومشاهير قائلة .. لازم الجميع يعرف إن بنتي بريئة، وتم الزج بها في تلك القضية من أهالي بعض المغتصبين أصحاب النفوذ … وأضافت العمروسي عبر تغريدات لها : ابنتي متزوجة من أحد المتهمين في هذه القضية، وتمت دعوتها من قبل النيابة للشهادة، وفجأة تحولت من شاهدة لمتهمة، أنا مش عايزة أتكلم عشان لو اتكلمت وقلت اللي عندي الدنيا هتتقلب، بس لو بنتي حصلها حاجة من القضايا واللي أهالي المغتصبين ملفقينها لها، بنفوذهم وسُلطتهم الكبيرة أوي مش هسكت، وبعد اللي حصل لبنتي ده أنا اتأكدت.
وأضافت العمروسي السابق القبض عليها في قضية مخدرات : لو بنتي حصلها حاجة واستمر الظلم عليها، أقسم بالله ما هسكت والكلام اللي هقوله هيفجر الدنيا، إن شاء الله ربنا هينصرنا .. وكتبت عبر حسابها على فيسبوك: تهمة نازلي بنتي الحقيقية إنها حاولت تنصر العدل ضد الظلم.
وحول الفيديوهات الجنسية التي تم تسريبها لإبنتها وهي تمارس أفعال منافية للآداب قالت العمروسي: الست ساعات جوزها بيرغمها إنها تعمل حاجات مش عايزاها ولا راضية عنها، لكن بتعملها غصب عنها عشان ترضي جوزها خصوصا لو كانت بتحبه وبتثق ثقة عمياء فيه، وسنها صغير ومش فاهمة الدنيا، الفيديوهات المسربة لابنتي نازلي، ينطبق عليها المثل ده.
وأضافت العمروسي: الولد ده « تقصد زوج إبنتها» بنتي كانت بتحبه من زمان وهما مع بعض في المدرسة وعلاقتهم استمرت 12 سنة لحد السنة اللي فاتت لما تمت 21 سنة خدها واتجوزها من ورايا وأضافت: مفيش بنت منحرفة هتفضل مع واحد 12 سنة، اللي بيسرب الفيديوهات رقم من إستونيا بيبعت الفيديوهات للصحفيين، ولأرقام عشوائية عشان يفضح بنتي وبنتي المسكينة فضلت 12 سنة مع واحد بيبتزها وبيهددها وكانت مبتتكلمش ولا بتقولي ولا بتقول لحد.
وقالت العمروسي: لما اكتشفت قريب إن بنتي اتعرضت لكل القسوة دي سألتها ليه خبيتِي عليا، وإيه اللي كان في دماغها ساعتها، ردت عليا وقالت أنا قلت أرضى وخلاص، لكن مع السنين البنت كبرت وبقت ترفض إنها توافق على حاجة هي مش راضية عنها، هددها وابتزها خصوصا، آخر سنتين، ورضخت لتهديداته وبعدين ثارت عليها وقررت متعملهاش تاني الحاجات دي من ضمنها الفيديوهات المنشورة.
واضافت العمروسي: غطوا لحم بنتي ومتظلموهاش دي بنت يتيمة من طفولتها استفرد بيها واحد كان مدبر لها شر عشان كدا كان بيقصد يصورها بعلمها ومن غير علمها اتقوا الله.
- وفي تدوينة أخرى قالت نهى العمروسي: فيه جهات نشر حقيرة، بتقول تصريحات مغلوطة على لساني، أنا ما قلتش إن جوز بنتي كان بيجيب لها رجالة، الكلام ده ما جاش على لساني.
وكانت النيابة العامة قررت حبس 3 متهمين نازلي مصطفى، ابنة الفنانة الشهيرة نهى العمروسي 4 أيام على ذمة التحقيقات وإخلاء سبيل 3 آخرين في قضية إغتصاب فتاة في فندق فيرمونت، عام 2014 …
