سيد علي
في محاولة منه للدفاع عن مناهج الصف الرابع الإبتدائي التي أثارت غضب أولياء الأمور والمعلمين وأصابت الأطفال بعقد نفسية .. إستعرض المذيع سيد علي جانب من مناهج الصفوف الأولي عام 1906 وأنها كانت دسمة وأصعب بكثير من مناهج الصف الرابع الإبتدائي متهما من ينتقد مناهج الصف الرابع الابتدائي بأنهم من مدعي الثقافة وأن مناهج أولى إبتدائي زمان كانت أصعب من مناهج الثانوية العامة اليوم ..
شن أولياء أمور ومعلمون هجوما لاذعا على الإعلامي سيد علي وكانت ردود أولياء الأمور متباينة وضد المقارنة التي وصفها المتابعين بالظالمة ومن ردود أولياء الأمور:
هو اي كلام وخلاص هل زمان كان فيه عجز معلمين طب كان فيه وزير شغله الشاغل إلقاء التهم ع المدرسين واتهامهم بعدم الفهم .. انت كنت من يومين مستضيف خبير تربوي وكنت مقتنع بكلامه غيرت كلامك ليه خوفت يقعدوك في البيت .. وحضرتك مشوفتش الكتاب اللي في ايدك كام صفحه ولا مشوفتش الصفحه فيها كام كلمه وبعدين هو انت مش كنت مع اولياء الامور غيرت كلامك ليه ..
.الكتاب الا انت بتقول عليه ده مفهوش خمسة صفحات..قبل ما تطبل شوف كتب سنة رابعة أد إيه…كتاب الرياضة يحتوى على ٦٦درس و٣٦٠ صفحة .. حضرتك ابو اولى ابتدائى زمان
كان سنه حولى ١٤او ١٢او١٠سنين .. مكنش ٦سنين زى دلوقتى .. أنا موافقة ترجع المنهج القديم أوى ده الا طلع عظماء بخمسة صفحات….يعنى الحمد لله مش بكتر الصفحات والمنهج العقيم العظماء اتعلموا بعشر صفحات فى كل مادة مش ٣٦٠ صفحة و٦٦درس ..
زمان حضرتك كانت الابتدائيه دي شهاده بيتعينوا بيها وايه حاجه عظمه زمان حضرتك مكنش في مدارس امريكي وايطالي وبريطاني وابصر ايه .. دلوقتي معانا شهادات جامعيه وبلناها وشربنا مايتها .. سنه رابعه ماراحوش مدارس فى سنه ثانيه وثالثه غير شهرين ومنهم لم يدخل كجيهات وبيدرسوا مواد الدستور ..
