وزارة التربية والتعليم
في ظاهرة نادرة الحدوث تستحق البحث يتم نظر تظلمات طلاب الثانوية العامة من التصحيح مع إمتحانات الدور الثاني لطلاب الثانوية العامة مع تنسيق الجامعات لطلاب الثانوية العامة في ميكس واحد وبرايم واحد معا .. يعني لو طالب عنده 3 مواد وجاءت نتيجة التظلم بأنه ناجح في مادة يعمل ايه .. طيب ولو طالب حصل على درجاات في التظلم وتنسيق مرحلته خلص يعمل ايه ..
طيب ما الذي كان سيضير الخريطة الزمنية للعام الدراسي اللي هو أصلا بدون دراسة وفنكوش لو تم تأجيل امتحانات الدور الثاني والتنسيق للكليات لغاية ما تخلص نتيجة التظلمات والطلاب يعرفوا راسهم من رجليهم وساعتها لو الخريطة الزمنية زعلت وانكشفت عورتها أولياء الأمور هيعتذروا للخريطة ..
طيب ما حضرتك أجلت الخريطة الزمنية المقدسة للعام الدراسي الجديد أسبوع عشان الناس اللي في المصيف والخريطة مزعلتش ولا جري ليها أي حاجة .. مكنش فيها حاجة لما يتم تأجيل امتحانات الدور الثاني لغاية ما مصير 30 ألف طالب تقرره التظلمات .. لا فيه خطة ولا مخطوط ويتم التعامل مع مصير جيل بأكمله بمنتهى الإستهانة والإستهتار .. سمك لبن تمر هندي ..
