والدة منة
وجع قلب .. حسرة .. ألم .. لوعة فراق .. ربنا يربط على قلب هذه الأم المكلومة .. بنتها منة ملاك صغير استيقظت في الخامسة صباحا .. فرحانة بملابسها الجديدة .. هتروح المدرسة وهتشوف صاحباتها .. هتخرج .. كانت بتتنطط من الفرحة .. أخدت شاور لوحدها وراحت تلبس الزي الجديد اللي كان نايم في حضنها طول الليل ..
يا الله .. راحت منة مع أمها المدرسة وهي مسرعة فرحانة .. مبتسمة .. جميلة .. تبوس في صحباتها .. رجعنا يا علية .. شوفتك تاني يا بسمة .. ازيك يا ميس .. وحشاني يا رودينا .. أنا مبسوطة اننا رجعنا ..
دقائق معدودة من رجوع أمها للمنزل .. تليفون ومكالمة مشئومة من مدرسة منة .. تعالي عشان منة داخت شوية .. الأم تهرول مسرعة .. هو فيه بعد الضنا .. اقتحمت الأم باب المدرسة الذي كان يتجمع حوله كل أطفال المدرسة يبكون ويصرخون .. تهرول الأم وتحملق في وجوه الأطفال .. منة فين يا حبايبي .. منة ماتت يا طنط .. منة راحت عند ربنا يا طنط .. الأم: بنتي انا .. لا لا لا .. يا منة .. بنتي حبيبتي .. ردي يا قلبي ..
المكان: مدرسة سيد الشهداء في العجوزة بالجيزة .. الزمان: زمن الإهمال والتردي والفوضى .. الحدث: سقوط طفلة بالصف الثاني الإبتدائي من الطابق الثالث أثناء الفسحة .. الإجراء: 3 أيام خصم للمشرفة ومدير المدرسة ويعملوا تظلم والجزاء يتشال ..
شاهد بكاء الأم:
