الطفل الضحية
نشرت ولية أمر طفل بمدرسة جواد حسني بشارع السودان من أعمال إدارة شمال الجيزة التعليمية بمحافظة الجيزة فيديو لنجلها التلميذ بالصف الرابع الإبتدائي تتحدث فيه عن تحويل الفصول إلى زنازين للتلاميذ .. مفيش ذهاب للحمام .. مفيش اشراف .. مفيش تدريس .. مفيش حد يشرب .. تقول الأم:
الولد كان عايز يروح الحمام لدرجة إنه مبقاش قادر يتحكم في نفسه وده طفل ومفيش مدرس ولا مدرسة موجود يستأذن منهم .. إبني نزل بسرعة الحمام طلع لقى مدرسة موجودة بدل ما تسمعه راحت تضربه بالاقلام على وشه..
معلمة الفصل يتقفل المراوح على الأطفال في اليوم الحر بتاع امبارح .. ممنوع حد يشرب أثناء الحصة .. لو حد بلغ ولي أمره هيتضرب بالعصايا .. انا مش هتكلم على مدرس العربي ولا إنه نقله ورا مش فارقة معايا ..
انا بس عايزة اسأل سؤال كان هيبقى الموضوع عادي لو الولد منزلش وعمل حمام على نفسه.. يا وزير التربية والتعليم حضرتك ممنوع تشرب مية اثناء أي اجتماع؟ ولو شربت تتعاقب؟ يعني ممكن نسمع بكرة إن دكتور مصطفى مدبولي رئيس الوزراء ضربك ٣ عصيان على ايدك عشان شربت أثناء الإجتماع ..
يحكي الطفل بالدموع .. مش عايز اروح المدرسة .. الميس بتضربني بالأقلام على وشي من غير سبب .. لو قلت عايز اشرب انضرب .. ولو رحت الحمام انضرب ..
شاهد الفيديو للطفل والأم
